23 Maj 2019 – Tiranë

Kolegji Universitar Bedër dhe Fondacioni H. Ali Korça, me mbështetjen e Ambasadës së Shteteve të Bashkuara të Amerikës, organizuan programin treditor “Instituti për Liri Fetare dhe Demokraci”, në punimet e së cilës mori pjesë edhe Kryetarja e Komitetit Shtetëror për Kultet, Znj. Loreta Aliko.

Në panelin e diskutimit me temë “Shteti dhe feja”, Kryetarja e Komitetit Shtetëror për Kultet trajtoi çështje të marrëdhënieve të shtetit me fenë dhe rolit rregullator të Komitetit në këtë drejtim, si dhe iu përgjigj interesimit të studentëve të universiteteve të ndryshme publike e private.