20 mars 2025

Kryetari i Komitetit Shtetëror për Kultet, Z. Klodjan Bulku, mori pjesë në Shërbesën e Fronëzimit të Kryepeshkopit të ri të Shqipërisë.

Kryetari i Komitetit Shtetëror për Kultet, Z. Klodjan Bulku, mori pjesë sot në ceremoninë e rëndësishme të Fronëzimit të Kryepeshkopit të Tiranës, Durrësit dhe të Gjithë Shqipërisë, Fortlumturisë së Tij, Joanit.

Në mesin e personaliteteve më të larta shtetërore e krerëve të komuniteteve fetare të vendit, Kryetari i KSHK-së, Z. Bulku ndoqi nga afër Shërbesën e Fronëzimit të  Kryepeshkopit të ri të Shqipërisë, e cila u zhvillua në Katedralen “Ngjallja e Krishtit”, në Tiranë.

Në mbyllje të ceremonisë, në përshëndetjen e rastit, Kryetari i Komitetit Shtetëror për Kultet, Z. Klodjan Bulku e uroi Fortlumurinë e tij Joan për ngjitjen në fronin më të lartë të Kishës, duke e quajtur si ngjarje të rëndësishme për Autoqefalinë e Kishës Ortodokse Shqiptare dhe për të gjithë shoqërinë shqiptare.

Në ceremoninë e zhvilluar me këtë rast ishin të pranishëm edhe hierarkë, delegacione të kishave orthodhokse në botë, klerikë, politikanë, akademikë, ambasadorë etj. si edhe qindra besimtarë shqiptarë.